Një incident është regjistruar në ambientet e Fakultetit të Gjakovës, ku një grua ka pësuar lëndime trupore gjatë orarit të punës.
Ngjarja ka ndodhur në rrugën “Normalja e Gjakovës”, ndërsa sipas Policisë, lëndimi dyshohet të jetë shkaktuar nga rrëzimi i një orendie të brendshme. Viktima ka marrë ndihmën e nevojshme mjekësore pas incidentit.
Lidhur me rastin janë angazhuar njësitë përkatëse policore, të cilat ndodhen në vendngjarje dhe po merren me trajtimin e rrethanave të incidentit.
“Njësitë relevante ndodhen në vendngjarje dhe janë duke ndërmarrë të gjithë hapat e nevojshëm lidhur me këtë rast”.
