Edhe pse prezantimi i OnePlus 16 është ende larg, me lansim të paraparë për tremujorin e katërt të vitit 2026, tashmë kanë nisur të qarkullojnë informacione të para jozyrtare mbi atë se çfarë mund të ofrojë ky model i ri.
Për shkak se bëhet fjalë për rrjedhje të hershme, specifikimet duhet marrë me kujdes. Megjithatë, bazuar në të dhënat aktuale, OnePlus 16 po projektohet si një pajisje shumë e fuqishme në segmentin e saj.
Sipas raportimeve, telefoni do të pajiset me një ekran të sheshtë BOE X5 OLED, me rezolucion 1220p dhe shpejtësi rifreskimi 240Hz, çka pritet të ofrojë përvojë shumë të lëmuar vizuale.
Në aspektin e performancës, përmendet përdorimi i versionit Pro të çipsetit të ardhshëm Snapdragon Elite Gen 6 të Qualcomm, i cili thuhet se mund të arrijë frekuenca deri në 6GHz. Ky çip do të shoqërohet me RAM LPDDR6 dhe memorie të brendshme UFS 4.1, ndërsa zgjerimi i memories nuk do të jetë i mundur.
Një tjetër pikë e fortë pritet të jetë bateria, e cila sipas spekulimeve do të ketë kapacitet 9,000 mAh, me mbështetje për karikim me kabllo 120W dhe karikim pa tel 50W.
Sa i përket kamerave, OnePlus 16 mund të vijë me dy sensorë 200MP Samsung ISOCELL HP5, një për kamerën kryesore dhe një tjetër për kamerën telefotografike me periskop. Po ashtu, pritet edhe një kamerë e re ultra e gjerë, ndonëse ende nuk ka detaje konkrete për të.
Specifikimet plotësohen nga një skaner ultrasonik i gjurmëve të gishtave 2.0 nën ekran, altoparlantë stereo dhe motori i dridhjes 0916R.
Të gjitha këto mbeten në nivel spekulimesh, derisa kompania të japë informacion zyrtar për modelin e ri.
