Policia e Kosovës u ka bërë thirrje të gjithë pjesëmarrësve në trafik, me theks të veçantë shoferëve, që të tregojnë vigjilencë më të madhe gjatë ngasjes, për shkak të kushteve të pafavorshme atmosferike dhe reshjeve të shiut që po mbretërojnë në vend.
Në një njoftim të publikuar në rrjetet sociale, Policia ka theksuar rëndësinë e respektimit të masave të sigurisë në trafik, duke paralajmëruar se rrugët e lagështa rrisin rrezikun për aksidente.
“Shoferët luten të përshtatin shpejtësinë me kushtet atmosferike dhe gjendjen e rrugës,
mbajnë distancën e nevojshme mes mjeteve, ngadalësojnë lëvizjen në rrugë të lagështa nga reshjet e shiut, ku mund të ketë rrëshqitje.
Policia e Kosovës apelon për sigurinë në trafik!
Kushtet aktuale atmosferike:
Reshjet e shiut krijojnë vështirësi në qarkullimin rrugor dhe rrisin rrezikun e aksidenteve.
Këshilla për shoferët:
Mbani distancën e sigurisë mes mjeteve.
Përshtatni shpejtësinë me kushtet e rrugës.
Ngadalësoni gjatë ngasjes në rrugë të lagështa nga shiu.
Siguria juaj është prioritet!
Kujdesi i shtuar ndihmon në shmangien e aksidenteve dhe në ruajtjen e jetës”, thuhet në apelin e Policisë së Kosovës.
