Sot pritet të përfundojë plotësisht procesi i rinumërimit të votave nga zgjedhjet parlamentare të 28 dhjetorit.
Zëdhënësi i Komisionit Qendror të Zgjedhjeve, Valmir Elezi, ka bërë të ditur se nga 2,557 vendvotime gjithsej, kanë mbetur për t’u numëruar vetëm 100.
“Sipas planifikimeve presim që në mbrëmje të përmbyllim rinumërimin e të gjitha vendvotimeve të mbetura,” tha Elezi, duke shtuar se këto vendvotime i takojnë katër komunave: Prishtinë, Podujevë, Suharekë dhe Shtërpcë.
Sa i përket shpalljes së rezultateve përfundimtare të zgjedhjeve, Elezi njoftoi se gjatë ditës Komisioni Qendror i Zgjedhjeve do të mbledhet dhe do të vendosë për kohën e shpalljes së tyre.
