Policia e Kosovës ka bërë të ditur se gjatë një kontrolli rutinë të realizuar në burgun e Dubravës është zbuluar një sasi e dyshuar e substancës narkotike.
Sipas njoftimit zyrtar, gjatë kontrollit në njërin nga pavijonet e këtij institucioni korrektues, autoritetet kanë gjetur dhe konfiskuar 6 gramë drogë. Për rastin është njoftuar edhe prokurori kompetent.
“Raportohet se gjatë kontrollit në njërin nga pavijonet, në gjësendet e të dyshuarit mashkull kosovar, janë gjetur dhe konfiskuar 6 gramë substance e dyshuar narkotike e llojit marihuanë. Lidhur me rastin është njoftuar prokurori”, thuhet në njoftim.
