Një ngjarje e pazakontë ka ndodhur në New York, ku policia reagoi ndaj një alarmi për vjedhje në një bankë, por në vend të një të dyshuari, gjeti një kafshë të egër.
Sipas autoriteteve, policia u thirr në Webster Bank në zonën Ridge të Qarkut Suffolk, pasi ishte aktivizuar sistemi i alarmit.
Me mbërritjen në vendngjarje, oficerët konstatuan se një dre ishte përplasur me dritaren e bankës dhe kishte mbetur i bllokuar brenda objektit.
Kafsha kishte shkaktuar rrëmujë në ambientet e bankës, teksa përpiqej të gjente një rrugëdalje.
Policia bëri të ditur se pas ndërhyrjes, dreri u kap pa u lënduar dhe u nxor jashtë, duke u kthyer më pas në habitatin e tij natyror.
