Në Kaliforni është shpallur fituesi i Kampionatit Botëror të Peshimit të Kungujve Safeway 2025, ku një kungull gjigant me peshë 1,064 kilogramë u vlerësua si më i miri i garës.
Kultivuesi Brandon Dawson nga Santa Rosa, i cili vitin e kaluar kishte zënë vendin e dytë, këtë herë arriti të fitojë çmimin e parë në ngjarjen tradicionale që mbahet në Half Moon Bay të Kalifornisë.
Fituesi u shpërblye me 21,114 dollarë, që përllogaritet me 9 dollarë për çdo kilogram të kungullit.
Ndërkohë, fituesi i vitit të kaluar, Travis Gienger – që kishte konkurruar me një kungull rekord prej 1,120 kilogramësh – këtë vit nuk mori pjesë në garë, pasi kungulli i tij u ça gjatë sezonit të rritjes. Ai ndoqi ngjarjen si spektator, duke përkrahur miqtë e tij garues. /Gjurmuesi/
