Nxënësit e Komunës së Fushë-Kosovës do të kthehen në bankat shkollore të hënën për të filluar gjysmëvjetorin e dytë mësimor.
Fillimi ishte shtyrë për shkak të vërshimeve që preknin disa shkolla dhe problemeve me sistemin e ngrohjes në disa objekte. Komuna ka njoftuar se tashmë janë krijuar të gjitha kushtet për zhvillimin normal të procesit mësimor.
Pas përmirësimit të motit dhe stabilizimit të situatës, më 12 janar nxënësit në shumicën e komunave të Kosovës nisën gjysmëvjetorin e dytë. Megjithatë, në tri komuna mësimi u shty për shkak të dëmeve, mungesës së ngrohjes dhe vështirësive në qarkullim.
Në Komunën e Malishevës dhe atë të Drenasit, si dhe në disa fshatra të tjera të prekura nga vërshimet, mësimi filloi me dy ditë vonesë. Në Fushë-Kosovë, nxënësit nisën mësimin me një javë vonesë.
