Në përvjetorin e 27-të të masakrës së Reçakut, krerët më të lartë institucionalë të Kosovës kanë nderuar viktimat në Kompleksin Memorial në këtë fshat.
Presidentja Vjosa Osmani, kryeministri në detyrë Albin Kurti dhe kryetari i Kuvendit Dimal Basha zhvilluan homazhe në kujtim të 45 civilëve shqiptarë të vrarë nga forcat paramilitare serbe, një krim që tronditi opinionin ndërkombëtar.
Ngjarja u bë e njohur për mbarë botën falë dëshmisë së ambasadorit William Walker, mik i madh i Kosovës, i cili edhe këtë vit ishte i pranishëm në Reçak për të nderuar të rënët, ashtu siç ka bërë vazhdimisht ndër vite.
