Si pjesë e bashkëpunimit dypalësh dhe për të forcuar lidhjet diplomatike dhe ekonomike, Turkish Airlines ka vendosur të transferojë pronësinë e një avioni Airbus A319‑115J tek qeveria shqiptare. Avioni, i vlerësuar në 11.9 milionë dollarë dhe konfiguruar sipas kërkesave të qeverisë, do t’i dorëzohet Shqipërisë pa asnjë detyrim financiar.
Sipas marrëveshjes së publikuar në Gazetën Zyrtare, aeroplani i regjistruar TC-GVC me numër serik 1002, i prodhuar në shkurt të vitit 2000, mbetet i certifikuar për operacione fluturimi. Marrëveshja thekson se donacioni synon të forcojë marrëdhëniet miqësore dhe bashkëpunimin e ngushtë midis Turqisë dhe Shqipërisë, duke u bazuar në Traktatin e Miqësisë, Fqinjësisë së Mirë dhe Bashkëpunimit të vitit 1992.
Turqia do të mbulojë gjithashtu kostot e transferimit, duke siguruar që dorëzimi i avionit të kryhet pa asnjë barrë financiare për Shqipërinë, duke shënuar një hap të rëndësishëm në bashkëpunimin teknik dhe mbrojtës midis dy vendeve.
