Mesfushori kosovar Lindon Emërllahu ka bërë zyrtar transferimin e tij te klubi ukrainas Polissya Zhytomyr, pas periudhës së kaluar te CFR Cluj në Rumani.
Polissya njoftoi se kontrata me Emërllahun është për tre vjet, dhe ai do të luajë me fanellën me numrin 14. “Mirë se vini në grup, Lindon!”, thuhet në komunikatën e klubit.
23-vjeçari këtë sezon te CFR Cluj regjistroi 24 paraqitje, duke shënuar 4 gola dhe dhënë 2 asistime. Klubi rumun e falënderoi për kontributin e tij gjatë kohës së kaluar aty.
