Ambasadori i Mbretërisë së Bashkuar në Kosovë, Jonathan Hargreaves, zhvilloi sot një vizitë në zyrën e kryesuesit të Komisionit Qendror të Zgjedhjeve, Kreshnik Radoniq. Gjatë takimit, ai vlerësoi lart punën dhe profesionalizmin e stafit të KQZ-së.
Përmes një postimi në rrjetet sociale, Hargreaves përshëndeti përpjekjet e komisionit për të siguruar që zgjedhjet e 28 dhjetorit të zhvillohen në mënyrë të qetë dhe në përputhje me ligjet dhe procedurat e vendit.
“Si gjithmonë, isha i impresionuar me profesionalizmin e stafit të Komisionit Qendror të Zgjedhjeve kur i vizitova këtë mëngjes. Faleminderit Kreshnik Radoniqit dhe ekipit të tij për përpjekjet e pakursyera që zgjedhjet e ardhshme të përgjithshme të zhvillohen në mënyrë të qetë dhe në përputhje me ligjet dhe procedurat e Kosovës”, shkroi ambasadori.
