Në Gjykatë është mbajtur seanca lidhur me rastin e vrasjes së Liridona Ademajt, e cila zgjati rreth tre orë dhe u fokusua në prezantimin e provave materiale nga dita e krimit.
Gjatë seancës u shfaqën pamje inkriminuese nga data 29 nëntor 2023, ditë kur ndodhi vrasja e rëndë, përfshirë lëvizjet dhe momentet kyçe që lidhen me të dyshuarit.
Sipas aktakuzës, Naim Murseli, Granit Plava dhe Kushtrim Kokalla dyshohet se kishin planifikuar në detaje ekzekutimin e Liridonës, ku Naim Murseli kishte premtuar shumën prej 30 mijë eurosh për Granit Plavën, i cili akuzohet si autor i drejtpërdrejtë i vrasjes.
Në sallën e gjyqit u paraqitën edhe pamje që dokumentojnë takimet mes të akuzuarve, shenjat e komunikimit mes tyre, si dhe video nga vetura në të cilën u vra viktima. /Gjurmuesi/
