Kur flitet për pasionet e festave të fundvitit, Josef Kardinal nga Gjermania dallon nga të tjerët.
Ai mban koleksionin më të madh në botë të “globusëve të borës”, me mbi 11,000 copë. Kardinal kishte fituar për herë të parë Rekordin Botëror Guinness në vitin 2002, kur zotëronte 6,100 globusë, dhe që atëherë koleksioni i tij është rritur ndjeshëm, duke arritur 11,017 copë.
Hobi i tij filloi në vitin 1984 dhe përfshin lloje të ndryshme të globusëve. Kardinal shprehet se i pëlqen të shohë borën duke rënë brenda tyre dhe vlerëson bukurinë e tyre kur i tund.
Ai shton se njerëzit tërhiqen nga globusët e borës sepse përmbledhin një botë të përsosur, edhe pse jo reale, gjë që i bën kaq të veçantë dhe tërheqës për publikun. /Gjurmuesi/
