Forca e Sigurisë së Kosovës është pajisur me armatim të ri kundërtank të prodhimit gjerman, duke shënuar një hap të rëndësishëm në avancimin e kapaciteteve të saj mbrojtëse.
Bëhet fjalë për sistemin modern “Panzerfaust 3”, i cili vlerësohet si një nga armët më të sofistikuara kundërtank për këmbësorinë. Ky armatim synon të rrisë gatishmërinë dhe aftësinë operacionale të FSK-së në përmbushjen e detyrave të saj.
“Panzerfaust 3” njihet për efikasitet të lartë kundër mjeteve të blinduara dhe konsiderohet një nga sistemet më të avancuara të këtij lloji në përdorim.
Ky sistem përdoret gjerësisht nga ushtri të vendeve të NATO-s dhe partnerëve të tyre, ndërsa aktualisht është në shërbim të të paktën 11 shteteve. /Gjurmuesi/
