Një ngjarje e rëndë është regjistruar në Gjilan, ku një grua dyshohet se ka qenë viktimë e dhunës nga një person.
Sipas informatave zyrtare, pas raportimit të rastit në vendin e ngjarjes kanë ndërhyrë njësitë policore. Gjatë ndërhyrjes, i dyshuari ka tentuar t’i sulmojë zyrtarët policorë me thikë, çka ka detyruar policinë të përdorë sprej për ta neutralizuar situatën.
Pas kësaj, i dyshuari është arrestuar dhe, me vendim të prokurorit, pas inicimit të rastit është dërguar në mbajtje.
Hetimet për rastin kanë nisur, ndërsa ngjarja po trajtohet si “Dhunë në familje” dhe “Sulm ndaj personit zyrtar”.
