Në Gjakovë, një grua është gjetur pa shenja jete dhe është dërguar në emergjencë të qytetit të premten vonë në mbrëmje.
Policia e Kosovës ka bërë të ditur se viktima, një grua kosovare, nuk kishte shenja dhune dhe vdekja e saj është konfirmuar nga mjeku kujdestar. Trupi i pa jetë është dërguar në Institutin e Mjekësisë Ligjore për obduksion me vendim të prokurorit, ndërsa hetimet për rrethanat e ngjarjes kanë nisur.
“Rr. Mbretëresha Teutë, Gjakovë 19.12.2025, 23:00. Është raportuar se në Emergjencë është sjellë pa shenja jete viktima femër kosovare, vdekjen e të cilës e ka konfirmuar mjeku kujdestar. Sipas mjekut viktima nuk ka pasur shenja të dhunës. Me vendim të prokurorit trupi i pa jetë është dërguar në IML për obduksion”, thuhet në njoftimin zyrtar të PK-së. /Gjurmuesi/
