Një studim i fundit ka nxjerrë në pah një simptomë të hershme dhe shpesh të anashkaluar të sëmundjes së Alzheimerit: atrofia kortikale posteriore (PCA), e cila lidhet me vështirësi vizuospatiale dhe funksionale.
Sipas studimit të botuar në The Lancet Neurology nga ekipi i UC San Francisco, PCA shfaqet tek rreth 10% e pacientëve me Alzheimer dhe mund të shërbejë si një tregues i hershëm i sëmundjes. Studiuesit raportojnë se 94% e pacientëve me këtë gjendje kishin gjithashtu patologji tipike të Alzheimerit, ndërsa 6% kishin forma të tjera të demencës, si demenca me trupa Lewy ose demenca frontotemporale.
Simptomat karakteristike përfshijnë vështirësi në vlerësimin e distancave, dallimin e objekteve në lëvizje nga ato statike, si dhe probleme në kryerjen e aktiviteteve të përditshme si shkrimi apo ngritja e objekteve të rëna. Shumica e pacientëve fillimisht ruajnë funksion normal mendor, por rreth katër vjet pas fillimit të simptomave, shpesh zhvillojnë demencë të lehtë deri në të moderuar, duke përfshirë humbje kujtese, probleme me funksionet ekzekutive, sjelljen dhe të folurit. /Gjurmuesi/
