Një aksident mes dy veturave ka ndodhur të martën në fshatin Dollc të Klinës, ku një person ka marrë lëndime trupore dhe është transportuar për trajtim në spitalin rajonal në Pejë.
Rastin e ka konfirmuar zëdhënësi rajonal i Policisë në Pejë, Driton Rugova. Ai tha se Policia është njoftuar rreth orës 17:10 për këtë incident dhe se të dyja veturat ishin të përfshira në aksident.
“Sot rreth orës 17:10, Policia është njoftuar për një aksident trafiku i cili ka ndodhur në fshatin Dollc-Klin. Në këtë aksident ishin të involvuara 2 vetura dhe si pasojë 1 person ka pësuar lëndime trupore, i njëjti është dërguar në spitalin rajonal në Pejë për tretman mjekësor”, ka deklaruar Rugova. /Gjurmuesi/
