Një incident i rëndë është regjistruar mbrëmjen e kaluar, ku dy persona të dyshuar kanë hyrë në oborrin e një shtëpie dhe kanë qëlluar me armë zjarri në drejtim të objektit banesor.
Sipas njoftimit zyrtar të Policisë, disa nga plumbat kanë depërtuar brenda shtëpisë, duke shkaktuar dëme materiale në orendi dhe mobilie shtëpiake.
Në raportin policor bëhet e ditur se gjatë ekzaminimit të vendit të ngjarjes janë gjetur dhe sekuestruar gjithsej 27 gëzhoja, të cilat do të shërbejnë si prova në kuadër të hetimeve.
Rasti është duke u trajtuar nga organet kompetente, ndërsa hetimet për identifikimin e të dyshuarve janë në vazhdim. /Gjurmuesi/
