Boksieri britanik Tyson Fury po përgatitet për një rikthim spektakolar pas një periudhe pushimi nga ringu.
37-vjeçari do të përballet me rivalin e tij të njohur, Anthony Joshuan, në një ndeshje që pritet të zhvillohet gjatë sezonit të Riadit në vitin 2026. Ky lajm është bërë i ditur nga revista The Ring.
Fury nuk ka luftuar që nga viti 2024, kur pësoi dy humbje radhazi ndaj ukrainasit Oleksandr Usyk: fillimisht me vendim të ndarë dhe më pas me vendim unanim të gjyqtarëve, 116-112.
Edhe Joshua ka kaluar një vit sfidues, duke u mposhtur nga Daniel Dubois në raundin e pestë të ndeshjes së tij të fundit po në vitin 2024. Ndeshja mes dy kampionëve pritet të jetë një përballje e fortë që tërheq vëmendjen e fansave të boksit global. /Gjurmuesi/
