Rajoni verilindor i Japonisë u përball sot me një tërmet të fortë me magnitudë 6.7 ballë të Rihterit, duke shkaktuar shqetësim të madh mes banorëve dhe autoriteteve lokale.
Sipas Agjencisë Meteorologjike të Japonisë, tërmeti ndodhi në orën 11:44 sipas kohës lokale (02:44 GMT) në një thellësi prej 20 km dhe u pasua nga disa tërmete më të vogla. Për shkak të goditjes, autoritetet lëshuan një paralajmërim për cunami për disa pjesë të bregdetit lindor, ku valët mund të arrijnë deri në një metër lartësi.
Ngjarja vjen vetëm pak ditë pas një tërmeti më të fuqishëm me magnitudë 7.5 ballë që goditi të njëjtin rajon, duke plagosur dhjetëra banorë dhe duke rritur vigjilencën për rreziqet e mundshme natyrore në zonë. /Gjurmuesi/
