Një trup pa shenja jete është gjetur sot në fshatin Grabanicë të Klinës, duke shqetësuar banorët lokalë dhe autoritetet.
Ngjarja ka ndodhur pranë urës mbi lumin Bistrica, ku viktima është zbuluar në mëngjes. Identiteti i personit të gjetur ende nuk është konfirmuar dhe detaje të tjera mbi rrethanat mbeten të pakta.
Në vendin e ngjarjes kanë mbërritur menjëherë hetuesit policorë së bashku me njësitet përkatëse, prokurorin dhe ekipin mjekësor për të kryer ekzaminimet e nevojshme.
Autoritetet kanë nisur hetimet lidhur me rastin, duke e klasifikuar si “Vdekje e dyshimtë”, ndërkohë që vazhdohet punimi për zbardhjen e plotë të ngjarjes. /Gjurmuesi/
