Një incident i rëndë ka ndodhur paraditen e sotme në shkollën fillore “Emin Duraku” në Prizren, ku një përleshje mes të rinjve ka përfunduar me plagosjen e një 19-vjeçari me thikë.
Sipas Policisë së Kosovës, pas një konflikti mes dy personave të rinj, një 13-vjeçar dyshohet se ka goditur me mjet të mprehtë të lënduarin. Zëdhënësi i policisë për rajonin e Prizrenit, Shaqir Bytyqi, ka konfirmuar se policia ka reaguar menjëherë dhe ka mbledhur informacionet e para për rastin.
I plagosuri është dërguar në Ndihmën e Shpejtë të qytetit, ku sipas autoriteteve shëndetësore ndodhet jashtë rrezikut për jetë.
Për ngjarjen është njoftuar prokurori i shtetit dhe hetimet po vazhdojnë me qëllim sqarimin e plotë të rrethanave të rastit. /Gjurmuesi/
