Dy persona janë arrestuar në Prishtinë pas një incidenti ku sulmuan fizikisht dy zyrtarë policorë gjatë një kontrolle trafiku.
Sipas raportit 24-orësh të Policisë së Kosovës, ngjarja ndodhi të mërkurën rreth orës 12:30 në rrugën “Bajram Bahtiri”. Zyrtarët kishin shqiptuar një gjobë trafiku për dy të dyshuarit, të cilët reaguan me dhunë. Policia njofton se oficerët e sulmuar refuzuan tretmanin mjekësor.
Me vendim të prokurorit, të dy të dyshuarit janë dërguar në mbajtje, ndërsa rasti vazhdon të trajtohet sipas procedurave ligjore. /Gjurmuesi/
