Në një moment të pazakontë në Romë, një motër e shenjtë u bë protagoniste e trafikut pranë Koloseumit.
Një makinë e parkuar në mënyrë të gabuar kishte bllokuar rrugën, duke penguar lëvizjen e shumë automjeteve, përfshirë një autobus që ngeci gjatë përpjekjes për të kaluar pranë saj. Në atë situatë, motra Emilia Jitaru vendosi të ndërhyjë dhe të rregullojë vetë trafikun, duke marrë rolin e policit të trafikut. Skena bëhet edhe më e veçantë nga fakti se ajo mbante këpucë sportive.
“E bëra këtë sepse ndërgjegjja ime më tha se mund të bëhej diçka e mirë”, tha motra Emilia për gazetën britanike Times.
Si pjesëtare e një kongregate fetare në Romë, ajo ofron vullnetarisht ndihmë në spitalin pediatrik të Vatikanit, Bambino Gesù, ku mbështet fëmijët që vuajnë nga kanceri. Ajo po transportonte një nga këta fëmijë në shtëpi pas trajtimit kur trafiku i ngarkuar dhe makina e parkuar keq e detyruan të ndërhynte. /Gjurmuesi/
