Presidenti i Ukrainës, Volodymyr Zelensky, ka bërë të ditur se vendi i tij është i gatshëm të avancojë në drejtim të një marrëveshjeje kornizë për paqe, në koordinim me Shtetet e Bashkuara dhe partnerët evropianë.
Zelensky nënvizoi se është i gatshëm të diskutojë çështjet më të ndjeshme të marrëveshjes së paqes me Donald Trump, por theksoi se në këtë takim duhet të jenë të pranishëm edhe liderët evropianë. Ai gjithashtu iu bëri thirrje udhëheqësve evropianë të krijojnë një kornizë të zbatueshme për vendosjen e ashtuquajturave “forca bindëse” në Ukrainë.
Presidenti ukrainas përfundoi duke theksuar se aleatët e Kievit duhet të vazhdojnë të mbështesin vendin derisa Rusia të tregojë gatishmëri për të dhënë fund pushtimit të saj. /Gjurmuesi/
