Behar Topilla, i mbijetuari i vetëm i masakrës së Shavarinës në Drenas, ka ndërruar jetë.
Familjarët e tij konfirmuan lajmin e hidhur, ndërsa Fatlum Nika e përshkroi largimin e tij si një dhimbje të thellë, duke theksuar se me vdekjen e tij shuhet një zë i gjallë i dëshmitarit të masakrës.
Topilla ishte njohur si “Sole Survivor” nga gazeta “The Salt Lake Tribune”, që rrëfente historinë e shpëtimit të tij nga masakra, edhe pse ishte plagosur dhe kishte mbetur nën grumbullin e mbi 40 trupave. Fatlum Nika përmendi se kishte trajtuar këtë histori në temën e tij të diplomës, duke dokumentuar masakrën e Shavarinës të kryer më 1 maj 1999 në Gllanasellë. /Gjurmuesi/
