Tre punonjës policorë në Prizren janë suspenduar nga detyra pas një incidenti gjatë të cilit një person i arrestuar u lirua për shkak të mungesës së mbikëqyrjes së duhur.
Inspektorati i Policisë ka konfirmuar se Departamenti i Hetimeve po zhvillon hetime paraprake ndaj zyrtarëve të Stacionit Policor Prizren për veprën penale të “Mundësimit të arratisjes së personave të privuar nga liria”. IPK-ja ka rekomanduar suspendimin e tyre në interes të procedurës hetimore.
Sipas raportimeve në media, personi i arrestuar ishte ndaluar fillimisht nën dyshimin për dhunë në familje. /Gjurmuesi/
