Një ngjarje e pazakontë ka ndodhur ditën e enjte pasdite në Seville, ku një kabinë tualeti portative ka rënë nga një urë në ndërtim, duke shkaktuar ndalimin e trafikut, por pa dëme apo lëndime personale.
Sipas raportimeve, kabina ra në mes të rrugës, shpërndau përmbajtjen e saj dhe u bë copë-copë. Incidenti ndodhi në Ura Centenario, aktualisht në ndërtim e sipër, dhe u kap në video nga një përdorues i TikTok, ku shihet tualeti duke u lëvizur nga një vinç për të zëvendësuar kabllot e infrastrukturës.
Kabina përfundoi në korsinë qendrore të autostradës, duke bllokuar automjetet që lëviznin me shpejtësi të ulët. Megjithatë, nuk pati asnjë përplasje me makinat dhe nuk u raportuan dëme materiale apo persona të lënduar, sipas gazetës lokale Diario de Sevilla. /Gjurmuesi/
