Shirat e dendura gjatë ditës së sotme kanë mbajtur prurjet e lumenjve në qarkun e Fierit në nivele të larta.
Ndërsa në Memaliaj niveli i lumit Vjosa ka shënuar një ulje, situata në Urën e Mifolit është krejt tjetër. Matjet e fundit tregojnë se lumi ka arritur kuotën 8.2 metra, duke shënuar një rritje të ndjeshme.
Ekspertët paralajmërojnë se nëse reshjet vazhdojnë me këtë intensitet, niveli i lumit mund të rritet më tej, duke kërcënuar tokat bujqësore përreth dhe banesat në zonat e ulëta.
Autoritetet shqiptare po mbajnë situatën nën vëzhgim të vazhdueshëm dhe u bëjnë thirrje qytetarëve të jenë të kujdesshëm dhe të ndjekin udhëzimet zyrtare për sigurinë e tyre. /Gjurmuesi/
