20 Nëntori shënon Ditën Ndërkombëtare të të Drejtave të Fëmijëve, një datë e dedikuar për të kujtuar dhe mbrojtur të drejtat e më të vegjëlve.
Edhe në Kosovë, kjo ditë u përkujtua me aktivitete festive dhe iniciativa të ndryshme që synojnë rritjen e ndërgjegjësimit mbi rëndësinë e mbrojtjes së fëmijëve.
Një aktivitet të veçantë e organizoi shoqata “Yjet që nuk vdesin”, e cila përsëri kërkoi ngritjen e një obelisku në nderim dhe përkujtim të fëmijëve të vrarë gjatë luftës, duke rikujtuar tragjedinë dhe rëndësinë e kujdesit për të ardhmen e fëmijëve. /Gjurmuesi/
