Bujar Loci është emëruar selektor i kombëtares së Kosovës në basketboll, njoftoi të mërkurën Federata e Basketbollit e Kosovës. Ky është rikthim për Locin, i cili kishte drejtuar për herë të parë Kosovën në vitin 2005 gjatë turneut në Aleksandri kundër Egjiptit dhe Rumanisë.
Ai zëvendëson francezin Jean-Denys Choulet, i cili kishte marrë postin e selektorit më 11 nëntor të vitit të kaluar. Sipas marrëveshjes së dyanshme, Choulet ka shkëputur kontratën me Federatën e Basketbollit të Kosovës, megjithëse kontrata e tij ishte e vlefshme deri në vitin 2027.
Loci do ta udhëheqë Kosovën në ndeshjen e parakualifikimeve për “FIBA EuroBasket 2029” kundër Shqipërisë. Takimi do të zhvillohet më 30 nëntor në Shkodër, duke filluar nga ora 18:00.
Grupi C, ku bën pjesë Kosova, përfshin gjithashtu edhe kombëtaren e Sllovakisë. /Gjurmuesi/
