Apple duket se po hyn në një fazë të re ndryshimesh të mëdha, pasi raportet më të fundit sugjerojnë se Tim Cook mund të jetë drejt përfundimit të mandatit të tij si CEO gjatë vitit të ardhshëm.
Sipas burimeve të brendshme, bordi i kompanisë dhe drejtuesit kryesorë kanë filluar intensifikimin e përgatitjeve për tranzicionin, duke kërkuar të sigurojnë një pasim sa më të qetë të lidershipit. Cook, i cili ka udhëhequr Apple për më shumë se 14 vjet pas largimit të Steve Jobs, e ka çuar kompaninë në nivele rekord, duke e kthyer në një gjigant me vlerë mbi 4 trilionë dollarë.
Gjatë periudhës së tij në krye, Apple ka lançuar produkte kyçe si Apple Watch, AirPods dhe Vision Pro, si dhe shërbime të reja që kanë zgjeruar ndjeshëm ekosistemin e kompanisë.
Një nga kandidatët kryesorë për ta pasuar Cook-un është John Ternus, zv/president i lartë i inxhinierisë, i cili ka një karrierë të gjatë në Apple që nga viti 2001. Megjithatë, vendimi përfundimtar ende nuk është marrë.
Ndërkohë, kompania nuk pritet të shpallë ndonjë emër të ri për postin e CEO-s deri pas publikimit të raportit të fitimeve në janar. /Gjurmuesi/
