Një incident i tensionuar ndodhi gjatë një fluturimi të United Airlines, i cili u detyrua të ulte emergjentisht aeroplanin pas një raportimi të dyshuar për një bombë në bagazhin e një pasagjereje.
Fluturimi, që nisej nga Dallasi me destinacion Aeroportin Ndërkombëtar O’Hare të Chicagos, ndërpreu rrugën në Misuri, pasi një pasagjer pretendoi se gruaja e tij mbante një pajisje shpërthyese, duke shkaktuar panik mes udhëtarëve dhe ekuipazhit.
Shërbimet e emergjencës dhe njësitet e anti-bombave u mobilizuan menjëherë dhe të gjithë pasagjerët u evakuuan në mënyrë të sigurt, ndërsa bagazhet u inspektuan me kujdes. Pas hetimeve, nuk u gjet asnjë bombë, duke konfirmuar se dyshimi ishte i rremë.
Pasagjeri që raportoi incidentin u arrestua për t’u marrë në pyetje dhe tani përballet me akuza ligjore për pretendim të rremë dhe rrezikim të sigurisë publike. /Gjurmuesi/
