Kampionia olimpike Distria Krasniqi ka filluar me fitore garën e saj në Grand Prix Zagreb 2025, që po zhvillohet në Kroaci. Në kategorinë deri 52 kilogramë, ajo ka kaluar në gjysmëfinale pas triumfeve ndaj garueses nga Brazili dhe më pas asaj nga Franca.
Kosova po përfaqësohet me një ekip prej gjashtë xhudistësh në këtë kompeticion, ndërsa përveç Krasniqit, sot në tatami do të dalin edhe Flaka Loxha dhe Fatjona Kasapi. Ky fillim i fuqishëm i Krasniqit rrit shpresat për rezultat të lartë në këtë garë ndërkombëtare. /Gjurmuesi/
