Xhudistja kosovare Flaka Loxha ka treguar performancë të shkëlqyer në ndeshjet e para të Grand Prix Zagreb 2025, që po zhvillohet në kryeqytetin e Kroacisë.
Loxha nisi garën me fitore ndaj indianes Yamini Mourya në raundin e 32-të, për të vazhduar me një triumf tjetër ndaj italianes Michela Terranova në raundin e 16-të, duke siguruar një vend në çerekfinale.
Gjatë pjesës së dytë të ditës, Loxha do të përballet me serben Marica Perisić, në një duel vendimtar që do të përcaktojë avancimin e saj në gjysmëfinale. /Gjurmuesi/
