Presidenti Donald Trump priti në Shtëpinë e Bardhë presidentin sirian Ahmed al-Sharaa, duke e përshëndetur me një dhuratë të veçantë: dy shishe të kolonjës së tij “Victory 45-47”, njëra prej të cilave ishte për gruan e udhëheqësit sirian. Ky takim shënoi vizitën e parë të një kryetari sirian në Zyrën Ovale që nga pavarësia e Sirisë në vitin 1946.
Al-Sharaa, 43 vjeç dhe ish-komandant rebel, i cili më parë ishte objekt shpërblimi prej 10 milionë dollarësh nga SHBA-të, mori pushtetin pas rrëzimit të Bashar al-Assad dhjetorin e kaluar. Gjatë takimit, Trump nuk nguroi të spërkasë me kolonjë udhëheqësin sirian, duke i shprehur qartë entuziazmin e tij për aromën. Ai gjithashtu pyeti me shaka për numrin e grave të al-Sharaa, duke krijuar një moment të lehtë dhe të pazakontë në Zyrën Ovale.
Shtetet e Bashkuara së fundmi votuan për heqjen e sanksioneve ndaj qeverisë së al-Sharaa, duke sinjalizuar një përmirësim të dukshëm në marrëdhëniet mes dy vendeve pas viteve të izolimit. /Gjurmuesi/
