Një tragjedi ka ndodhur në Brest, Francë, ku një çift shqiptar është gjetur i vdekur në banesën e tij, duke lënë pas dy fëmijë të mitur. Rrethanat e ngjarjes mbeten ende të paqarta.
Autoritetet franceze kanë marrë menjëherë nën mbikëqyrje fëmijët, duke i vendosur nën kujdesin e shërbimeve të mirëqenies dhe duke kryer ekzaminime mjekësore për të vlerësuar gjendjen e tyre.
Sipas raportimeve të policisë, prindërit, një burrë 36-vjeçar dhe një grua 30-vjeçare, janë gjetur pa shenja jete në banesën e tyre në Rue Général-Paulet. Hetimet paraprake po fokusohen tek mundësia e një femicidi të ndjekur nga vetëvrasja. /Gjurmuesi/
