Eugen Cakolli nga KDI ka vlerësuar ndikimin real politik të partive pas zgjedhjeve lokale, duke theksuar se ai nuk matet vetëm me numrin e komunave të fituara, por kryesisht me buxhetin që secila parti do të administrojë në nivel lokal.
Në një postim publik, Cakolli argumentoi se “fuqia politike nuk lidhet thjesht me numrin e komunave, por me shkallën e përgjegjësisë që bart secila parti – pra, me buxhetin që do të qeverisë.”
Duke u bazuar në buxhetet komunale për vitin 2026, përllogaritjet e tij tregojnë:
- LDK → 7 komuna me buxhet rreth €272 milionë;
- PDK → 6 komuna me buxhet rreth €195 milionë;
- LVV → 7 komuna me buxhet rreth €171 milionë;
- AAK → 5 komuna me buxhet rreth €119 milionë.
Sipas Cakollit, këto shifra tregojnë se LDK-ja do të administrojë rreth një të tretën e buxheteve komunale në Kosovë, ndërsa PDK dhe LVV kanë peshë të ngjashme, dhe AAK ruan një pozicion të qëndrueshëm me komuna të mesme dhe buxhete solide. Ai përfundon se analiza mbi bazën e buxhetit është një mënyrë objektive për të matur ndikimin politik në nivel lokal. /Gjurmuesi/
