Java Kulturore e Mbretërisë së Bashkuar nis sot në Shqipëri dhe do të zgjasë deri më 16 nëntor, duke ofruar një pasuri aktivitetesh në fushën e artit, kulturës, muzikës, inovacionit dhe sportit.
Evenimenti hapet me një koncert simfonik nën drejtimin e dirigjentit britanik Dr. James Ross, së bashku me Orkestrën Simfonike të Teatrit Kombëtar të Operës dhe Baletit Shqiptar.
Gjatë javës, pjesëmarrësit do të kenë mundësi të përjetojnë një gamë të gjerë aktivitetesh: nga workshop-et digjitale dhe filmat britanikë e shqiptarë, te ekspozitat artistike dhe seminarët historikë; nga shfaqjet emocionuese të filmave dhe performancat live elektronike, te inovacioni dhe inteligjenca kreative; dhe nga muzikë jazz, R&B dhe rock, deri te aktivitetet sportive, si futbolli.
Ky event i përbashkët synon të bashkojë artin, edukimin, muzikën dhe sportin për të festuar krijimtarinë, miqësinë dhe bashkëpunimin mes komuniteteve britanike dhe shqiptare. /Gjurmuesi/
