Një ngjarje tragjike u raportua në Indi, ku një grua 25-vjeçare dyshohet se kreu vetëvrasje në shtëpinë e saj, për shkak të një frike të thellë nga milingonat.
Sipas policisë, gruaja u gjet e varur në dhomën e saj. Burime nga autoritetet treguan se ajo kishte pasur këtë frikë që nga fëmijëria dhe më parë kishte kërkuar këshillim profesional në një spital lokal.
Mëngjesin e ngjarjes, ajo kishte lënë vajzën e saj tek një i afërm, duke thënë se do ta merrte pas pastrimit të shtëpisë. Burri i saj, i cili ishte në punë gjatë mëngjesit, u kthye në mbrëmje dhe gjeti derën kryesore të mbyllur nga brenda. Me ndihmën e fqinjëve, ai e hyri në shtëpi dhe e zbuloi gruan e tij të varur.
Një shënim vetëvrasjeje i gjetur në vendngjarje tregonte dhimbjen e saj: “Zotëri, më vjen keq, nuk mund të jetoj me këto milingona. Kujdesu për vajzën.” Ky incident ka tërhequr vëmendje mbi ndikimin serioz të fobive ekstreme në shëndetin mendor dhe rëndësinë e mbështetjes psikologjike. /Gjurmuesi/
