Autoritetet indiane kanë raportuar se kanë gjetur shtatë trupa që besohet të jenë viktima të përmbytjeve shkatërruese nga lumenjtë që rrjedhin nga Nepali.
Trupat u gjetën në distriktet Maharajganj dhe Kushinagar të shtetit indian të Uttar Pradesh, përgjatë kufirit me rajonin e goditur Chitwan të Nepalit.
“Katër trupa të paidentifikuar u gjetën të enjten. Mendojmë se ata u sollën në Indi nga përmbytjet nga Nepali”, tha për AFP shefi i distriktit Maharajganj, Gaurav Singh Sogarwal.
Tre trupa të tjerë u gjetën në Kushinagar, rreth 70 kilometra në rrjedhën e poshtme të kufirit. Autoritetet po punojnë për identifikimin e tyre.
